Ministria e Industrisë, Ndërmarrësisë dhe Tregtisë, ka bërë të ditur se Inspektorati i Tregut, gjatë një aksioni ka mbyllur përkohësisht 2 depo të operatorëve ekonomikë, përcjell InLajmi.
E në lidhje me këtë ka reaguar edhe kryeministri i vendit, Albin Kurti.
Sipas Kurtit, në këto depo është gjetur vaj, për të cilin ka munguar dokumentacioni dhe shuma e tyre ka qenë 3.49 euro për një shishe vaj.
Kryeministri i vendit tha se qeveria e tij nuk e lejon zhvatjen, gjithashtu theksoi se është shtuar edhe mbikëqyrja në këto biznese dhe tha se të gjithë ata që manipulojnë do të dënohen.
Postimi i plotë i tij:
Mbyllen 2 depo
Pas një aksioni të Inspektoratit të Tregut dhe Policisë së Kosovës, Departamentit për hetimin e Krimeve Ekonomike, në 2 depo (Fushë Kosovë dhe Graçanicë) është gjetur vaj për të cilin ka munguar dokumentacioni.
3.49 euro për një shishe vaj është rritje artificiale. Nuk e lejojmë zhvatjen. E kemi shtuar kontrollin e mbikëqyrjen dhe do t’i ndëshkojmë ata që manipulojnë e përfitojnë në emër të krizës. /InLajmi/
