Për shkak të sulmeve të Rusisë në Ukrainë, shtrenjtimit të naftës e gazit, çmimet e produkteve bazike janë rritur me të madhe në vendin tonë, përcjell InLajmi.
Lidhur me këtë, ka reaguar I pari i Organizatës së Veteranëve të Luftës së Ushtrisë Çlirimtarë të Kosovës, Faton Klinaku, i cili ka thënë se nuk mund të ngriten çmimet deri në këtë masë siç është tash vetëm si rezultat i ngritjes së çmimit të naftës.
Por më tej ai tha se në vendin tonë gjithmonë në kohë krizash rriten çmimet, pasi që përfituesit përfitojnë në kësi momente.
Postimi i plotë i tij:
Nuk mund të ngriten çmimet aq shumë vetëm si rezultat i ngritjes së çmimit të naftës, por në kohë krizash gjithmonë ka pasur përfitues situatash. Të ngriten aq shumë çmimet e sidomos për disa produkte që i prodhojmë vet si shqiptarë (Shqipëri e Kosovë), është ligësi e madhe që e bëjnë vetëm përfituesit e paskrupullt.
Ndërsa, për të mirat apo dështimet e atij që është duke qeverisur, së pari duhet të flasin ata që e kanë votuar, por me siguri do të vijë koha që secili duhet protestuar./InLajmi/
