Gani Dreshaj nga Aleanca për Ardhmërinë e Kosovës së fundmi ka shprehur ngushëllime për vdekjen e ish kryetarit të komunës së Istogut, Haki Rugova i cili këtë të mërkure ka ndërruar jetë papritmas, përcjell InLajmi.
Dreshaj ka theksuar se edhe pse e kishte rival politik, gjithmonë e ka ruajtur respektin si ish-profesor fantastik dhe intelektual me vlera të larta por edhe për punët e mira që i ka bërë në Istog ndër vite.
Postimi i plotë i tij:
Sapo mora lajmin e hidhur për vdekjen e ish-kryetarit shumëvjeçar të Istogut, Haki Rugova.
Në garën për kryetar e kisha rival, por gjithmonë kam ruajtur respektin si ish-profesor fantastik, si intelektual me vlera të larta, por edhe për disa punë të mira që i ka bërë për Istogun ndër vite.
Para pak javësh e takova rastësisht në Istog, dhe e urova për pensionimin pas një karriere të bujshme profesionale e politike.
Ngushëllime familjes Rugova, shoqërisë, dhe gjithë simpatizuesve të LDK-së për humbjen e ish-kryetarit tonë./InLajmi/
