Ish-kryeministri shqiptar, Sali Berisha, paralajmëroi protesta nëse qeveria nuk do të marrë masa për uljen e çmimit të naftës.
Ai u shpreh se Edi Rama është kthyer në zëdhënësin e kompanive të naftës.
“Rama po mbjell terror te qytetarët me hijet e luftës. Ai po bën zëdhënësin e kompanive të naftës. Ai është lajmëtari i parë i rritës së çmimeve. Dje, ai njoftoi për rritjen e çmimeve dhe pompat me shpejtësi i kaluan ato deri në 260 lekë për litër. E dënoi këtë akt të tij dhe kjo është unike në botë”, shkruan A2 CNN.
“Kreu i qeverisë nuk bën zëdhënësin e kompanive të naftës, në rast se ai nuk ka aksione në këto kompani. Të merren masa urgjente, në të kundërt opozita shqiptare do të jetë në rrugë”, tha Berisha.
