Sekretari amerikan i Mbrojtjes, Lloyd Austin tha se lufta e Rusisë në Ukrainë ka vrarë dhe plagosur njerëz të pafajshëm dhe ka detyruar më shumë se 1.5 milion njerëz të iknin nga vendi i tyre, transmeton InLajmi.
Austin takoi ministrin e Mbrojtjes së Finlandës, Antti Kaikkonen në Pentagon të mërkurën. Austin falënderoi gjithashtu Finlandën për dërgimin e ndihmës në Ukrainë.
“Vendimi i qeverisë suaj për të dërguar ndihmë sigurisht që do të ndihmojë popullin e guximshëm të Ukrainës dhe unë e di se ata janë mirënjohës për këtë,” tha Austin.
Austin tha se të 2 do të diskutojnë për forcimin e marrëdhënieve 2-palëshe midis SHBA-së dhe Finlandës.
Kaikkonen tha se kriza në Ukrainë nuk është një krizë evropiane, është një “krizë globale”.
“Lufta në Ukrainë ka implikime të thella për sigurinë evropiane, për BE-në, për NATO-n, për Finlandën. Por siç kanë theksuar të 2 presidentët tanë, kjo nuk është një krizë evropiane, kjo është një krizë globale”, tha Kaikkonen.
