Një zjarr i madh ka përfshirë një objekt në Obiliq, këtë të martë shumë afër termocentralit Kosova B, përcjell InLajmi.
Këtë e ka konfirmuar, Latif Zeka, Komandanti i Brigadës së Zjarrfikësve për Gazetën InLajmi.
“Zjarrfikësit kanë shkuar menjëherë në vendin e ngjarjes, është afër termocentralit Kosova B. Është një zjarr i shkaktuar nga djegia e veturave që grumbullohen, pra të vjetra. Sipas informatave nga terreni është afër termocentralit. Kanë shkuar përforcim i zjarrfikësve nga Prishtina, po ashtu u është dërguar ujë. Pra janë djegur vetura të vjetra, plastikë. Për momentin nuk e di, nuk mund të jap më shumë informacione se a paraqet rrezik për objektin e termocentralit. Por, nuk besoj se jo sepse zjarrfikësit janë duke punuar që mos ta lënë të përhapet”, tha Beka.
Ndryshe, Gazeta InLajmi ka tentuar të marrë një përgjigje nga Policia e Kosovës lidhur me këtë rast, por nuk ka arritur të merr përgjigje./InLajmi/
