Fondacioni Jahjaga, në bashkëpunim me Ambasadën holandeze në Kosovë, kanë organizuar ngjarjen “10 Rrëfime – Jo kuotë, por vlerë”, ku u prezantuan storiet e suksesit të shumë grave në Kosovë, raporton InLajmi.
Vetëdijesimi i qytetarëve për të treguar sesa përfitojnë ata nga përfaqësimi i grave, ishte qëlimi I kësaj ngjarjeje në të cilën kanë marrë pjesë 107 gra.
Ish-Presidentja e Kosovës, Atifete Jahjaga tha se grate kanë arritur që të tejkalojnë kuotën 30% në parlament.
“Në Kosovë por edhe në shumë vende ku u prezantuan kuotat pati shkolla mendimesh që kundërshtonte kuotën duke trajtuar si koncept nënvlerësues dhe atë shkollë që përkrahte idenë që do të inkuadronte gratë në sfera të jetës. Kuota i ka shërbyer qëllimit dhe ka ndikua në rritjen e pjesëmarrjes së grave në politikë. Gratë kanë arritur të tejkalojnë kuotën 30% në parlament. Nuk do të kishte institucion madje edhe kompani që do të trajtonte diversitetin si vlerë të shtuar”, tha Jahjaga.
Ambasadorja e Holandës në Kosovë, Carin Lobbezoo, tha sesa më shumë gra në politikë, e ardhmja e Kosovës do të jetë më ndryshe.
“Fjalët e mia shkojnë te ato gra që drejtojnë familjen. Është një hap i madh në ditën që kemi ardhur sot për të dëgjuar storiet e juaja. Duhet të vazhdojmë tutje sepse sa më shumë gra që përfshihen në politikë e ardhmja do të ishte më ndryshe. Duhet të jetë normale për djemtë dhe vajzat të vazhdojnë shkollimin. Pra është kruciale për vajzat të marrin hapa në jetë. Përveç që na duhen mjete të aftësive por edhe role të modeleve. Gjithmonë në punët që keni në komuna mund të bëni modele për vajzat. Njohuria, mjetet dhe modelet ju japin mundësi të jenë gratë që marrin vendime në tavolina”.
Drejtoresha e Fondacionit “Jahjaga”, Brikena Avdyli, tha se grave ua shohim hajrin duke theksuar se grate punojnë dyfish në punë.
“Hulumtimet tregojnë që kur kemi gra e burra të gjithë përfitojmë më shumë. Ne kemi vendosur për të bërë diçka që theksin e vë te gratë. Grave ua shohim hajrin. 107 gra janë bërë pjesë e kësaj fushate. Qëllimi i fushatës ka qenë me iu vizatu qytetarëve se si përfitojnë ata nga përfaqësimi i grave. Gratë punojnë dyfish më shumë. Gratë ballafaqohen me ngacmime dhe nënçmime dhe vazhdojnë tutje punën”, tha ajo.
Sanie Kuqi-Rexhepaj, drejtoreshë e Urbanizimit në Komunën e Suharekës, tha seedhe të rinjtë mund të kenë pozita që iu mundëson të marrin vendime të rëndësishme.
“Unë doja të sprovoja veten në të gjitha dimensionet por nuk e shihja veten pjesë të politikës. Vendimi për të marrë detyrë në politikë më ka zgjatur 2 javë kohë. Dhe ia dhashë vetes një mundësi dhe të tjerëve që një vajzë e re pa përvojë politike mund t’ia dalë të jetë drejtoreshë e urbanizimit në Suharekë. Edhe të rinjtë mund të kenë pozita vendimmarrëse të rëndësishme”, tha ajo./InLajmi/
