LDA Balkan ka organizuar Konferencën “LEAP Women 2022″, me rastin e Ditës Ndërkombëtare të Gruas, raporton InLajmi.
Në mesin e disa grave në këtë konferencë ka folur edhe nënkryetarja e Partisë Demokratike të Kosovës, Vlora Çitaku e cila ua ka uruar të gjitha grave këtë ditë.
“Nuk e kam pas luksin të zgjedh a dua të bëhem diplomate a aktore, a mjeke. S’mund të jesh as mjek as aktor i mirë nëse nuk je i lirë. Angazhimi im në politikë s’po them se është rrugë e lehtë. Gratë duhet të mësojmë për 10 për me marrë një notë 6. Gjykohemi shumë më shumë, pritjet nga ne janë shumë më të mëdha. Secila që e ka pas fatin me pasë një detyrë institucionale e ndjen përgjegjësinë e krejt gjinisë”,tha Çitaku .
Më tek Çitaku tha se e kanë një detyrë që të mbështesin ato gra që nuk kanë zë.
“Më ka rastisë të takoj gra që kanë frikë nga bashkëshortët e kanë frikë edhe të marrin pjesë në zgjedhje . Ka ende vende në Kosovë kur qitet pushkë kur lindë djalë. E kush na ka zbardhë fytyrën më shumë se gratë. Duhet të bëjmë shumë më shumë së bashku me burrat”,tha Çitaku.
Ajo ka porositur të gjitha gratë që ta mbështesin njëra-tjetrën./InLajmi/
