Ministrja e Arsimit, Arbërie Nagavci së bashku me kryeministrin e vendit, Albin Kurti kanë qëndruar këtë të hënë në shkollën fillore “Elena Gjika” ndërsa ka uruar mësimdhënësit për 7 Marsin – Ditën e Mësuesit, raporton InLajmi.
“Kam kënaqësinë që të jemi bashkë me kryeministrin Kurti. Ndryshe prej mësimdhënësve të vendeve tjera kanë pasur barrën që të ngjallin edhe ndjenjat e atdhedashurisë. Sakrifica e gjeneratave të tjera na mundëson që edukimin për fëmijët tani ta bëjmë në kushte më të mira. Andaj edhe unë jam e bindur që kujtimet që ju i leni tek nxënësit janë të pashlyera në memorien e secilit nxënës”,tha Nagvci.
Më tej, Nagavci njoftoi se është ndarë buxheti për mësimdhënësit që kanë probleme shëndetësore.
“Uroj që kujtimet e nxënësve për ju të jenë më të mira dhe të jenë një model i mirë. Jemi të vetëdijshëm se përtej çdo infrastrukture dhe politike jeni ju ata qe do ta arrini suksesin tek nxënësit”,tha ajo. /InLajmi/
