Kanadaja ka njoftuar se do të vendosë sanksione kundër 10 individëve “bashkëpunëtorë” në “pushtimin e pajustifikuar” të Ukrainës nga ana e Rusisë.
Kryeministri kanadez, Justin Trudeau, tha se këta individë përfshijnë ish dhe qeveritarë të lartë, oligarkë dhe mbështetës të udhëheqjes ruse, raporton BBC.
Në konferencën e përbashkët me kryeministrin e Mbretërisë së Bashkuar dhe Holandës, ai tha se këta individë u zgjodhën nga një listë e përpiluar nga lideri i burgosur opozitar rus, Alexei Navalny, transmeton Reporteri.net.
Përveç Kanadasë, shumë shtete të botës kanë vendosur sanksione ndaj Rusisë për shkak të sulmeve në Ukrainë.
