Presidentja Vjosa Osmani, kryeministri Albin Kurti dhe kryetari i Kuvendit të Kosovës, Glauk Konjufca kanë bërë homazhe në Kompleksin Memorial “Adem Jashari” në Skenderaj, në nderë të 24 vjetorit të rënies së tyre, raporton InLajmi.
Presidentja e vendit me këtë rast tha se masakra e familjes Jashari ishte një ndër masakrat më të tmerrshme nga Serbia, për të cilën nuk ka akoma drejtësi.
Osmani tha se vepra dhe ajo çfarë bënë Jasharajt për atdheun do të mbetet një dritë për brezat e ri.
‘’Lavdi, përkujtimi i tyre do të jetë i përhershëm’’, tha ajo./InLajmi/
