Kryeministri i vendit, Albin Kurti, në nder të ditës së 2-të të Epopesë së UÇK-së ka bërë homazhe ë Kompleksin Memorial “Adem Jashari në Prekaz, raporton InLajmi.
Kurti tha se Familja Jashari bashkoi popullin e Kosovës dhe i dha hovin vendimtar Ushtrisë Çlirimtare të Kosovës.
“Në 24 vjetorin e flijimit të katër brezave të familjes Jashari, të cilët u sakrifikuan për lirin e Kosovës, dhe bashkuan popullin dhe i dhanë hovin vendimtar Ushtrisë Çlirimtare të Kosovës”, tha ai.
Tutje Kurti tha se ky sulm ndaj Familjes Jashari, nuk ishte I vetmi duke kujtuar se ata u sulmuan nga Serbia edhe në dhjetor të vitit 1991.
“Ky nuk ishte sulmi i parë ndaj Jasharëve, ata u patën sulmuar nga Serbia që udhëhiqej nga regjimi i Millosheviqit edhe në dhjetor të vitit 1991, dhe në janar të vitit 1998, të gjitha këto sulme ndaj Jasharëve ishin ndërmarrje e përbashkët kriminale e Serbisë, Ushtria Çlirimtare e Kosovës ka bërë luftë mbrojtëse. Drejtësia dhe e vërteta jonë nuk mund të tjetërsohet as nga deformimet që vinë dhe mohimet që bëhen”, shtoi ai.
Mes tjerash, kryeministri Kurti tha se gjenocidi i Serbisë në Kosovë i ka plagët ende të hapura dhe se populli ynë nuk e harron se nga vijnë.
“Gjenocidi i Serbisë në Kosovë i ka ende plagët e hapura dhe ne si institucione të Republikës, si krerë, si përfaqësues politikë, si qytetarë nuk e harrojmë prej nga vimë, por në të njëjtën kohë pikërisht përmes përgjegjësisë tonë për këtë të shkuar sa të dhimbshme aq edhe të lavdishme e dimë si të ecim mirë dhe mbarë përpara”, tha Kurti./InLajmi/
