Kryetari i Partisë Demokratike të Kosovës, Memli Krasniqi, ka bërë homazhe në Kompleksin Memorial “Adem Jashari”, në nderë të 24 vjetorit të rënies së Familjes Jashari, raporton InLajmi.
Krasniqi tha se kurdoherë që vijmë në Prekazin e lavdisë së përherëshmeme , në datat e Epopesë së ushtrisë Çlirimtare të Kosovës, e përkujtojmë luftën titanike të Familjes Jashari.
“Në këto data të cilat kanë shënuar kthesën më të madhe në historinë e re të Kosovës, jo vetëm duke e zgjuar vëmendjen e gjithë botës por edhe duke e zgjuar vëmendjen e e të gjithë kombit tonë dhe duke e vulosur një të vërtetë që pa një kryengritje dhe pa një luftë të armatosur populli i Kosovës nuk do të fitonte lirinë. Andaj pikërisht këtu, në Prekaz 24 vite më parë UÇK mori forcën që e kërkonte për tu bërë udhëheqëse e çlirimit të Kosovës dhe për të krijuar pastaj rrugëtimin deri tek pavarësia e vendit tonë dhe shtetit që e kemi sot”, tha ai.
Krasniqi tha se pikërisht këtu në Prekaz UÇK-ja mori forcen që e kërkonte për tu bërë udhëheqëse e çlirimit të Kosovës për te krijuar rrugëtimin drejt Pavaresie dhe shtetit që kemi sot.
Ai ka përmendur edhe ish-krerët e UÇK-së që po mbahen në Hagë, i cili tha se sot per fat të keq ata po mbahen atje dhe po e vazhdojnë betejën për të drejtën tonë.
“Gjithsesi në këto momente do të kishim dëshirë që ti kemi pranë vetes edhe bashkëluftëtarët e Adem Jasharit, Hashim Thaçin, Kadri Veselin, Rexhep Selimin, Jakup Krasniqin dhe gjithë të tjerët që sot për fat të keq nuk janë këtu dhe po e vazhdojnë në një formë tjetër betejën për të drejtën tonë, për të vërtetën tonë dhe për historinë tonë. Por, padyshim se mbi të gjitha çdo vizitë në Prekaz neve na shërben për t’u frymëzuar dhe për të marr fuqi që duhet secili njeri që ka marrë një përgjegjësi publike ta ketë për të bërë punë të mira për vendin”.
‘’Lavdi, komandantit legjendar Adem Jashari, familjes Jashari dhe dëshmorëve të vendit tonë’’, tha ai./InLajmi/
