6 mars 1714 – Inxhinieri britanik, Henri Mill, mori patentën e makinës së shkrimit apo daktilografimit.
6 mars 1869 – Kimisti rus, Dimitri Ivanoviç Mendelejev, publikoi për herë të parë Tabelën Periodike, e cila sigurisht që asokohe nuk kishte trajtën e sotme. Ai e zhvilloi këtë sistem për të klasifikuar elementet kimike në bazë të vetive dhe të përbërësve të tyre sipas strukturës së atomeve.
6 mars 1902 – U themelua Klubi i Futbollit të Real Madridit, i cili është cilësuar nga FIFA si “ekipi futbollistik më i mirë i shekullit XX”.
6 mars 1920 – Shkrimtar i famshëm turk, Omer Sejfedin, i njohur për tregimet e tij kombëtare dhe historike, ndërroi jetë në moshën 36-vjeçare.
6 mars 1946 – Në Shtetet e Bashkuara të Amerikës hyri në përdorim kompjuteri “ENIAC”, shkurtim për “Electronic Numerical Integrator and Computer”. Ai ishte kompjuteri i parë elektronik i programueshëm me shpejtësi të lartë, i ndërtuar për qëllime llogaritjeje. Si një prej hapave madhore në rrugën drejt kompjuterit elektronik-digjital, “ENIAC” u përdor deri në vitin 1955.
6 mars 1955 – Burrështetasi azerbajxhanas, Mamad Amin Rasulzadeh, ndërroi jetë në moshën 71-vjeçare. Ai themeloi në vitin 1917 Republikën Demokratike të Azerbajxhanit, shteti i parë turk që u qeveris me regjim republikan në histori. Por disa vite më vonë ky shtet ra në kthetrat e pushtimit sovjetik.
6 mars 1964 – Kasius Klej mori zyrtarisht emrin Muhamed Ali. I konsideruar si “boksieri më i mirë i të gjitha kohërave”, ai ka humbur vetëm 5 ndeshje përgjatë tërë karrierës së tij mahnitëse.
6 mars 1995 – U ndërmor një hap i ri në procesin e integrimit evropian të Turqisë, rrugëtim ky që pati nisur me Marrëveshjen e Ankarasë (ECAA) në vitin 1963. Ministri turk i Punëve të Jashtme, Murat Karajallçën, nënshkroi Marrëveshjen e Unionit Doganor ndërmjet 15 shteteve anëtare të Bashkimit Evropian dhe Turqisë.
