Zëvendësministri i Drejtësisë, Blerim Sallahu, ka bërë të ditur se shuma që janë ndarë për funksionalizimin e Gjykatës Komerciale është 881.414 mijë euro, përcjell InLajmi.
Ky buxhet thuhet të jetë miratuar nga 25 shkurti i këtij viti, ndërsa përgatitja për të investuar në këtë drejtim sipas tij thuhet të jetë bërë që nga viti i parë i qeverisjes.
Ndëra ai është është shprehur se ky është vetëm një nga hapat e ndërmarra, oasi si qeveri do të punohet që shteti të jetë me ekonomi të zhvilluar por mbi të gjitha të jetë shtet ligjor.
Postimi i plotë i tij:
881 mijë e 414 euro është shuma e mjeteve financiare që janë ndarë për funksionalizimin e Gjykatës Komerciale. Paraprakisht këtij buxhetimi i kemi paraprirë si Ministri e Drejtësisë me hartimin e Ligjit për Gjykatën Komerciale e i cili ka hyrë në fuqi më 25 shkurt të këtij viti.
Këtë përgatitje për themelim dhe funksionalizim të kësaj Gjykate e kemi bërë brenda vitit të parë të qeverisjes, duke qenë të vetëdijshëm për rëndësinë imanente të saj. Efikasiteti i Gjykatës Komerciale do të ndikojë tejet pozitivisht në zgjidhjen e shpejtë të lëndëve, që më herët një lënd e natyrës komerciale ka marrë kohë mesatarisht deri në 5 vite për t’u zgjidhur.
Ky është vetëm njëri nga hapat që e dëshmon vendosmërinë tonë të palëkundur si qeveri për ta bërë shtetin ligjor dhe me ekonomi të zhvilluar përmes drejtësisë. Prandaj, do të vazhdojmë të investojmë në drejtësi, në mënyrë që ligjshmëria, efikasiteti e efektiviteti të jenë parimet kryesore të organizimit tonë shtetëror e shoqëror! /InLajmi/
