Një zyrtar i lartë i Agjencisë Ndërkombëtare të Energjisë Atomike tha se “asnjë sistem sigurie nuk është rrezikuar pranë vetë reaktorëve” në termocentralin bërthamor Zaporizhzhia në Ukrainë, më i madhi në Evropë, të cilin trupat ruse e kanë pushtuar, transmeton InLajmi.
“Ne konsiderojmë nga pikëpamja teknike se operacioni vazhdon normalisht, megjithëse siç i kam theksuar bordit të guvernatorëve pranë IAEA-s, sigurisht që nuk ka normalitet për këtë situatë kur ka forca ushtarake natyrisht në krye të vendndodhjes”, i tha Këshillit të Sigurimit të Kombeve të Bashkuara, Drejtori i Përgjithshëm i IAEA, Rafael Grossi.
Ai tha se vazhdon të jetë në kontakt me zyrtarët e Ukrainës, përfshirë kompaninë që operon objektet dhe operatorët në Zaporizhzhia.
Ai është i gatshëm të udhëtojë në Çernobil për t’u konsultuar me homologët ukrainas, tha ai, por nëse është e nevojshme ose kur është e nevojshme do të konsultohet me forcat përgjegjëse për të krijuar një kornizë të qëndrueshme në mënyrë që të respektohen parimet bazë dhe të mund të respektohet siguria.
Ai kërkoi mbështetjen e KS të OKB-së për përpjekjet e IAEA, shkruan CNN.
Ai e mbajti konferencën virtualisht ndërsa ishte në Teheran për një çështje të veçantë. /InLajmi/
