Anëtarja e Kryesisë së Partisë Demokratike të Kosovës, Besa Kabashi – Ramaj, në një konferencë të mbajtur për media ka folur për situatën e ditëve të fundit në Ukrainë për sa i përket sulmeve të agresionit rus, raporton InLajmi.
Ajo ka thënë se që nga 24 shkurti i këtij viti , dinamika e zhvillimeve poltike dhe atyre të sigurisë në vendin tonë nuk ka qenë e njejtë jo vetëm për Ukrainën por pothuajse për të gjithë Evropën si dhe për të gjithë arkitekturën ndërkombëtare.
‘’Kjo krizë që po ndodh në qendrën e Evropës ku agreisoni rus ndaj ukrainës po prodhon dëme të mëdha, si në humbjen e jetëve ashtu edhe në cenimin e parimeve demokratike, dhe rendin ndërkombëtar po prodhon dëme direkte jo vetëm për jetën e qytetarëve të ukrainës por njëkohësisht edhe kërcënime serioze ndaj paqes dhe sigurisë në Evropë dhe më gjerë’’, ka thënë ajo.
Sipas saj, kriza Rusi-Ukrainë mund të ketë ndikim edhe në zhvillimin politik të rajonit tonë.
‘’Fatkeqësisht deri më sot nuk është parë asnjë përpjekje nga pala e Federatës Ruse që mund të ketë një ndërprejre përkundrazi ka shumë deklarata shqetësuese që e thellojnë edhe më tej këtë krizë që të vazhdojë.Kjo krizë mund të ketë ndikim në zhvillimet politike dhe të sigurisë në rajonin onë’’, shtoi tutje ajo.
Ndër të tjera ajo tha se ndonëse Kosova e ka konsiliduar shtetësinë dhe sovranitetin e saj, sërish mund të jetë cak i pretendimeve armiqësore që cenojnë sigurinë në vendin tonë.
Ajo theksoi se në këtë moment kyç për ruajtjen e paqes dhe sigurisë, Kosova duhet t’i forcojë kapacitetet e veta ushtarake.
Tutje PDK ka kërkuar nga Qeveria e Kosovës, që brenda kësaj jave ose në një afat të shkurtër brenda muajit, të rishikojë buxhetin për vitin 2022, e cila tha se prioritet kryesor i Kosovës këto ditë duhet të jetë mbrojtja dhe siguria e Kosovës.
‘’Kërkojmë nga qeveria që ta sjellë brenda javës, rishikimin e buxhetit për vitin 2022, konkretisht kërkojmë që shpenzimet kapitale të parapara në përllogaritje prej 554 milionë eurosh, të merren 100 milionë euro dhe të ridestinohen për nevojat e kapaciteteve ushtarake.Nuk ka prioritet më të madh sot për sot sesa forcimi i kapaciteteve të mbrojtjes dhe sigurisë së Kosovës’’, tha ajo./InLajmi/
