Sulmuesi i Borussia Dortmundit, Erling Haaland është prioritet kryesor i Barcelonës për afatin e verës dhe klubi katalunas tashmë ia ka bërë një ofertë për kontratë pesëvjeçare me kushte të jashtëzakonshme.
Barcelona prej javësh kanë përgatitur gjithçka në rast se Haaland vesh fanellën e Barçës.
Sulmuesi norvegjez është shumë i lakmuar për afatin e ardhshëm kalimtar dhe Barça ka një propozim shumë interesant sportiv dhe ekonomik për norvegjezin.
SipasDeportes Cuatro, Barça do t’i ofrojë Haalandin kontratë të vlefshme 157 milionë funte apo 190 milionë për të luajtur nën drejtimin e Xavi Hernandez për 5 sezonet e ardhshme.
Gjatë vitit të parë, norvegjezi do të fitonte 20 milionë euro, në të 2-tin 30 milionë euro, të 3-tin 40 milionë euro, ndërsa në vitin e 4 dhe të 5 do të fitonre nga 50-55 milionë euro.
Presidenti i klubit nga Camp Nou, Joan Laporta dëshiron që Haaland të nënshkruaj dhe të mbetet për gjithë këto 5 sezone, ndërsa Mino Raiola, agjenti i sulmuesit, do të preferonte një formulë 3+2.
Gjithmonë sipas mediumitDeportes Cuatro, Raiola i ka thënë Laportas dhe babait të Haaland, se lojtari duhet të luajë për Barçën, transmeton Telegrafi.
Gjithë kësaj mund t’i shtohet edhe informacioni iL’Esportiutqë tregonte se këtë të martë, Xavi Hernandez ka udhëtuar drejt Mynihut për t’u takuar ballë për ballë me Haalandin dhe për t’i treguar atij synimet e tij për të ardhmen.
