Sot në Kosovë na pret mot me intervale kohore me diell dhe vranësira lokale. Pasdite vonë priten reshje lokale afatshkurtra shiu e bore. Reshje do të koncentrohen pak më shumë në juglindje të vendit. Temperaturat pritet të luhaten nga -2 ajo minimale deri në 9 gradë Celsius ajo maksimale.
Në Shqipëri dhe Maqedoninë Veriore pritet të ketë shtim të vranësirave dhe riga lokale shiu e bore. Shi nëpër ultësira dhe borë në viset kodrinore malore. Reshje shiu priten fare pak. Reshje të pakta lokale nesër priten edhe në Mal të Zi, ndërsa në Luginë kryesisht me diell.
Nga e shtuna na presin disa ditë plotësisht të vranta dhe me reshje shiu e bore. Temperaturat do të shënojnë ulje, ndërsa në viset kodrinore-malore pritet dimër i vërtetë me reshje bore. Reshje bore priten edhe nëpër ultësirat e Kosovës, ku nganjëherë mund të përzihen me shi për shkak të rritjes së temperaturave, shkruan Meteo Ballkan.
Pra, nga e shtuna Kosova dhe viset tjera tona kontinentale të rajonit do të përfshihen nga vranësira të dendura dhe reshje të herëpasheshme bore. Priten edhe shtresa bore madje edhe nëpër disa ultësira të Kosovës
