Këngëtarja e njohur, Tayna ka bërë një gjest të veçantë, duke iu bashkuar ftesës së kryeministrit, Albin Kurtit për të kontribuar në Fondin e Sigurisë, shkruan InLajmi.
Kështu këngëtarja ka vendosur që shumën që do ta marrë nga koncerti në Luzanë, i cili mbahet me 5 mars, ta dhurojë për Fondin e Sigurisë.
Tayna theksoi se Kosovën duhet ta duam më shumë se veten dhe me këtë gjest ajo kontribuoi në të mirën e vendit të saj, për të forcuar sigurinë shtetërore.
Ndryshe ftesës së Albin Kurtit për të ndihmuar tashmë i janë bashkuar shumë ndërmarrës dhe artistë të njohur në vend, të cilët kanë filluar t’i japin donacionet e para për të forcuar sigurinë shtetërore.
Postimi i plotë i saj:
“Ushtria e Kosovës edhe unë e duam shumë veten edhe Kosovën, se Kosova duhet me u deshtë sa vetja e edhe ma shumë. Për rastësi të bukur data 5 mars i bie me ditën kur filloi me ardh era liri me përjetësimin e Jasharajve, dhe unë tash në liri nga Kosova në Luzanë shkoj të këndoj bashkë me diasporën tonë! Shuma nga ky koncert shkon për Fondin e Sigurisë të Republikës tone. Ushtria ime”, ka shkruar Tayna në postim. /InLajmi/
