Përfaqësuesi i Përhershëm i Ukrainës në Kombet e Bashkuara (OKB) Sergiy Kyslytsya tha se Rusia e filloi luftën në vendin e tij pa asnjë provokim.
“Kjo luftë u zgjodh nga dikush (presidenti rus Vladimir Putin) i ulur aktualisht në një bunker. Ne e dimë se çfarë ndodhi me personin (Adolf Hitler) të ulur në bunker në Berlin në maj të vitit 1945.”
Ai mbajti një fjalim në mbledhjen e jashtëzakonshme të Asamblesë së Përgjithshme të OKB-së, zhvilluar për shkak të luftës që vazhdon në Ukrainë.
“Çfarë çmendurie!” ndërkohë që Vladimir Putin i vendosi forcat e tij bërthamore në gatishmëri të lartë. Ambasadori ukrainas për Putinin tha: “Nëse ai dëshiron të vrasë veten, ai nuk ka nevojë të përdorë armë bërthamore, ajo që duhet të bëjë është ajo që bëri personi në bunkerin në Berlin në maj 1945”, tha Kyslytsya i cili shtoi se ka një ngjashmëri midis sulmit rus në Ukrainë dhe fillimit të Luftës së Dytë Botërore (1939).
Kyslytsya deklaroi se është thelbësore që Asambleja e Përgjithshme e OKB-së të ngrejë zërin në mënyrë që të ndalojë menjëherë sulmet e Rusisë ndaj Ukrainës dhe Rusia të tërhiqet nga vendi i tij pa kushte, dhe vuri në dukje se ajo duhet të marrë qëndrim edhe ndaj Bjellorusisë, e cila merr pjesë dhe mbështet agresionin e Rusisë.
Duke vënë në dukje se ajo që po ndodh në Ukrainë tani ka pasoja të menjëhershme të sigurisë dhe humanitare për Evropën, ai paralajmëroi se do të ketë ndikim në vendet e tjera, duke përfshirë rënien e ushqimit, sigurisë, energjisë, tregjeve financiare dhe ekonomive.
“Nëse Ukraina nuk mund t’i mbijetojë këtij tensioni, paqja ndërkombëtare nuk mund të ekzistojë. Nëse Ukraina nuk mund të mbijetojë, Kombet e Bashkuara nuk do të mbijetojnë, mos ëndërroni. Nëse shpëtoni Ukrainën, shpëtoni OKB-në, shpëtoni demokracinë”, tha ambasadori ukrainas, transmeton trt.net.
Kyslystsya, vuri në dukje se Ukraina po lufton kundër sulmeve të Rusisë pavarësisht gjithçkaje dhe ka vrarë afro 5 mijë ushtarë deri më tani Ndërkohë ai lexoi në podiumin e Asamblesë së Përgjithshme mesazhet telefonike që i kishte shkruar nënës së tij një ushtar rus i vrarë.
