Kombet e Bashkuara kanë njoftuar se të paktën 136 civilë janë vrarë që nga fillimi i pushtimit rus në Ukrainë të enjten e kaluar
13 fëmijë besohet të jenë në mesin e të vdekurve.
Por Liz Throssell, një zëdhënëse e Komisionerit të Lartë të OKB-së për të Drejtat e Njeriut, tha se numri i vërtetë i vdekjeve ka të ngjarë të jetë shumë më i lartë.
Throssell tha se shumica e viktimave erdhën si rezultat i granatimeve të rënda të artilerisë, sulmeve ajrore dhe eksplozivëve të tjerë me ndikim të gjerë, raporton BBC.
OKB tha gjithashtu se rreth 400 njerëz janë plagosur në luftime deri më tani, transmeton EO.
Megjithatë, shifrat e publikuara nga qeveria e Ukrainës sugjerojnë se deri në 352 civilë janë vrarë dhe 1,684 janë plagosur.
