Kreu i Komunës së Deçanit, Bashkim Ramosaj së fundmi ka njoftuar se është takuar me disa deçanas që jetojnë në perendim, derisa ka theksuar se kontributi dhe ndihma e tyre për vendin i bën të gjithë krenar, përcjell InLajmi.
Ramosaj, më tej ka përmendur një nga një ndihmën e bashkatadhetarëve tanë për shuma raste në Deçan, rast konkret në kohën e helmimit të ujit, pastaj përkrahja e klubeve sportive, Ansamblin e Valleve e të tjera.
E si shenjë falenderimi, Ramosaj ka ndarë mirënjohje për njërën nga familjet, anëtarët e të cilës kanë kontribuar pa ndalë, familjen e Beqë Likaj.
Postimi i plotë i tij:
Sot pata nderin dhe kënaqësinë që të pres në takim vëllezërit tonë të cilët punojnë në botën e jashtme.
Kontributi dhe ndihma e tyre e çmueshme na bënë të ndihemi krenarë, ashtu si ne ndihemi krenarë kur dëgjojmë dhe prekim sukseset e tyre në shtetet e Evropës dhe jo vetëm.
Në ditët e vështira të pandemisë, familja e Beqë Likaj na u gjend pranë, ashtu edhe në kohën e helmimit të ujit. E njëjta familje po bënë të pamundurën duke përkrahur klubet sportive në Deçan, Ansamblin e Këngëve dhe Valleve.
Duke ndarë nga pasuria e tyre, ata ndihmuan në rregullimin e Kompleksit Memorial të Dëshmorëve në Gllogjan. Pastaj ndihma e tyre në zhvillimin ekonomik e sidomos në turizëm është e pandalshme.
Andaj, sot ndava mirënjohje për familjen Likaj në shenjë falënderimi për kontributin e dhënë në ruajtjen dhe promovimin e vlerave kulturore dhe artistike të Deçanit!/InLajmi/
