Opozitari i burgosur rus, Alexey Navalny nuk ndalon së komentuar situatën mes Rusisë dhe Ukrainës, i cili ka thënë se Rusia dëshiron të jetë kom i paqes por për shkak të gjendjes së krijuar, shumë pak njerëz do ta thërrisnin Rusinë kështu, transmeton InLajmi.
‘’Ne – Rusia – duam të jemi një komb i paqes. Mjerisht, pak njerëz do të na thërrisnin kështu tani.Por të paktën të mos bëhemi një komb njerëzish të heshtur të frikësuar. Nga frikacakët që pretendojnë se nuk e vënë re luftën agresive kundër Ukrainës, të nisur nga ‘’lideri’’ ynë dukshëm i çmendur’’, ka thënë ai.
Anipse i burgosur, Navalny ka thënë se nuk do të dorëzohet dhe nuk do të hesht për ngjarjet që kanë ndodhur shumë vite më parë e që kjo ka shkaktuar justifikim për rusët që të vrasin ukrainasit dhe anasjelltas këto ditë.
‘’Unë nuk mund, nuk dua dhe nuk do të hesht duke parë sesi marrëzitë pseudohistorike për ngjarjet e 100 viteve më parë janë bërë një justifikim për rusët që të vrasin ukrainasit dhe për ukrainasit që të vrasin rusët duke u mbrojtur.Është dekada e 3-të e shekullit të 21-të, dhe ne po shohim lajme për njerëz që digjen në tanke dhe shtëpi të bombarduara. Ne po shikojmë kërcënime reale për të filluar një luftë bërthamore në televizorët tanë’’, ka shkruar ai në Twitter.
Ndër të tjera ai ka thënë se unë jam nga BRSS dhe frazë kryesore prej që ka qenë fëmijë ishte ‘’lufta për paqe’’, derisa ka shtuar se Putini nuk është Rusi.
‘’Unë jam vetë nga BRSS. Unë kam lindur atje. Dhe fraza kryesore prej andej – që nga fëmijëria ime – ishte “lufta për paqe”. I bëj thirrje të gjithëve të dalin në rrugë dhe të luftojnë për paqen.Putini nuk është Rusi. Dhe nëse ka diçka në Rusi për momentin për të cilën mund të jeni më krenarë, janë ata 6824 persona që u arrestuan sepse – pa asnjë thirrje – ata dolën në rrugë me pankarta që shkruanin “Jo luftë”, ka thënë tutje Navalny./InLajmi/
