Lidhja Demokratike e Kosovës do t’i drejtohet Kuvendit të Kosovës me një propozim-rezolutë, me anë të së cilës i kërkon këtij institucioni dhe Qeverisë së Kosovës që t’i ndërmarrë hapat e nevojshëm për t’u anëtarësuar në NATO.
Anëtari i kësaj partie Muhamet Hamiti tha se presidentja e Kosovës duhet të bisedojë me aleatët e Kosovës për të siguruar njohjen e vendeve që nuk e kanë njohur vendin tonë.
Hamiti tha se Kosova mund të përfitojë nga situata në Ukrainë nëse bëhet partner i besueshëm dhe i përgjegjshëm ndërkombëtar.
“Kosova mund të përfitojë kur punon mençur, vazhdueshëm dhe bëhet partner i ndërgjegjshëm dhe i besueshëm ndërkombëtar. Kemi pasur raste sidomos nga këto dy qeveri që kjo nuk ka ndodhur”, tha ai në Edicionin Special në Klan Kosova.
“Duhet të bisedojë me aleatët tanë që të sigurohet një konsensus që do ta shtronte rrugën për të kërkuar së pari njohjen nga vendet mosnjohëse që shtron pastaj rrugën për anëtarësim në NATO, ndoshta edhe më shpejt sesa anëtarësimi në BE”.
