Federata Botërore e Taekwandos ia ka revokuar Rripin e Zi të nderit presidentit të Rusisë, Vladimir Putinit, me urdhër të të cilit Rusia po e pushton në mënyrë agresive Ukrainën tash e 7-të ditë.
Putin është një fans i madh i sporteve luftarake individuale, sidomos i arteve marciale. Andaj, në vitin 2013 Putin ishte nderuar me brezin e zi të 9-të.
Në deklaratë thuhet e Federatës Botërore të Taekwandos thuhet:
“Taekwondo-ja botërore e dënon fuqishëm sulmet brutale ndaj jetëve të njerëzve të pafajshme në Ukrainë, të cilat bien ndesh me vizionin botëror të taekwondo-së: Paqja është më e çmuar se triumfi. Po ashtu bie ndesh me vlerat botërore të taekwondo-së për respekt dhe tolerancë”,thuhet në deklaratë.
“Në këtë drejtim, Taekwondo Botërore ka vendosur të tërheqë rripin e zi të nderit zotëri Vladimir Putinit, që i është dhënë në nëntor 2013″.
Për më tepër, kjo organizatë kërkon që lufta të zëvendësohet me paqe sa më parë në Ukrainë.
“Mendjet dhe zemrat e Taekwondo-së Botërore janë me popullin e Ukrainës dhe ne shpresojmë që lufta të zëvendësohet me paqe sa më shpejt”,thuhet ndër të tjera në deklaratë.
Ky lajm vjen pak kohë pasi Putit, 69-vjeç, iu pezullua edhe çmimi “President Nderi i Federatës Botërore të Xhudos”, nga kjo federatë ndërkombëtare, transmeton IndeksOnline
Shkaku i politikës së Putinit, që shihet urdhërdhënës i sulmeve agresive të Rusisë ndaj Ukrainës, shumë organizata ndërkombëtare të sportit e kanë pezulluar Rusinë dhe klubet e saj nga çdo aktivitet sportiv ndërkombëtar.
