Ambasada e Kosovës në Republikën Çeke, e cila mbulon edhe territorin e Ukrainës, ka njoftuar se 3 shtetas të Kosovës janë larguar nga Ukraina.
Ata është thënë se kanë qenë në Ukrainë për periudhë afatshkurtër për qëllime pune apo biznesi.
Qëndresa Fazliu, zyrtare për komunikim në Ministrinë për Punë të Jashtme dhe Diasporë, ka thënë për Radio Evropa e Lirë tha se autoritetet kosovare kanë arritur të kontaktojnë me 7 kosovarë në Ukrainë.
4 personat tjerë, një familje 4 anëtarëshe është thënë të jetë në rrugë e sipër për të kaluar në Hungari.
Situata në Ukrainë është përkeqësuar prej sulmit rus që ka nisur më 24 shkurt.
Presidenti rus, Vladimir Putin ka urdhëruar “operacion special” për të çmilitarizuar Ukrainën.
Veprimi i Kremlinit ka nxitur zemërim dhe është dënuar në gjithë botën.
Shtetet e Bashkuara dhe aleatët janë përgjigjur me sanksione të ashpra kundër Moskës.
