Presidenti ukrainas, Volodymr Zelensky në një intervistë ka folur për gjendjen në Ukrainë dhe imazhin e tij që po diksutohet aq shumë kohëve të fundit, transmeton InLajmi.
Kriza e sotme është “shumë serioze, nuk është një film”, tha ai për CNN, duke shtuar: “Unë nuk jam ikonë, mendoj se Ukraina është ikonë”.
Para se të merrte detyrën, Zelensky kishte qenë një aktor komik dhe ishte zëri i dubluar në Ukrainë për Paddington Bear në një film. Ai gjithashtu kishte një diplomë juridike dhe fitoi detyrën në 2019 me një premtim për të goditur korrupsionin, shkruan CNN.
“Ukraina është zemra e Evropës dhe tani mendoj se Evropa e sheh se Ukraina është diçka e veçantë për këtë botë,” tha ai. “Kjo është arsyeja pse bota nuk mund ta humbasë këtë diçka të veçantë.” /InLajmi/
