Dmytro Kuleba, Ministri i Punëve të Jashtme të Ukrainës, ka publikuar pamje të ndërtesave në qytetin e Khraviv në këtë shtet.
Kuleba në llogarinë e tij në Twitter ka thënë se Rusia nuk është në gjendje të shkatërrojë Ukrainën dhe presidenti rus, Vladimir Putin, nga inati po kryen krime lufte dhe po vret civilë të pafajshëm
Ai ka thënë se bota nuk po bën mjaftueshëm që të ndalojë Rusinë, dhe ka kërkuar nga shtetet që të rrisin presionin dhe të izolojnë tërësisht Rusinë.
“Sulmet arbarike të raketave ruse në Sheshin qendror të Lirisë dhe lagjet e banuara të Kharkiv. Putini nuk është në gjendje të shkatërrojë Ukrainën. Ai kryen më shumë krime lufte nga inati, vret civilë të pafajshëm. Bota mund dhe duhet të bëjë më shumë. Rritjen, presionin, izolojeni plotësisht Rusinë”,ka shkruar ai.
Ndërsa dje është raportuar që Putin është zotuar që nuk do të preken civilë në këtë luftë.
Kujtojmë se ka 6 ditë prej kur Rusia filloj sulmet e para në Ukrainë, ndërsa po raportohet se deri më tash 350 mijë refugjatë ukrainas kanë hyrë vetëm në Poloni, transmeton Gazeta Infokus.
E nga ministria e Mbrojtjes së Ukrainës po raportohet se ka shkuar në 5.000 numri i ushtarëve rusë të vrarë, derisa Ukraina po lufton me të gjitha kapacitetet e saj.
