Ministri i Mbrojtjes, Armend Mehaj, është shprehur se ndihet i lumtur me vendimin që ka marrë Qeveria e Kosovës në lidhje me krrijimin e një Fondi të Sigurisë, përcjell InLajmi.
Sipas tij në këtë drejtim është punuar gjatë kohë, e që më në fund kjo punë u shperblye duke e marrë dritën jeshilë nga krzministri i Kosovës, Albin Kurti.
Shteti i Kosovës ka derfhuar gjakë e djersë për të arritur këtu ku është tani, e që sipas Mehajt kjo nuk mund të paguhe më asnjë çmim por duhet të punihet në këtë drejtim ta mbajmë vendin të sigurtë.
Ndërsa në lidhje më informacionet rreth këtij vendimi ministri Mehaj ka thënë se detjae do të ipen gjatë ditës së Merkurë.
Postimi i plotë i tij:
Të dashur qytetarë,
Bashkëkombës tanë,
Miq të vendit dhe popullit tonë liridashës dhe paqedashës,
Për Atdheun tonë, Lirinë dhe Pavarësinë e saj, dhamë shumë gjak, djersë, mund e para nga puna jonë e ndershme, në të gjitha periudhat e historisë sonë të dhimbshme e të lavdishme.
Një vullnet shumë të madh për të dhuruar donacione në mjete financiare për institucionet e sigurisë së vendit, e keni shprehur gjithmonë.
Ka një kohë të gjatë që jemi duke punuar në themelimin e Fondit të Sigurisë, në të cilin qytetarët tanë mund të kontribuojnë me mjete financiare dedikuar sigurisë në vend.
Jam shumë i lumtur që më në fund kjo punë intensive u finalizua dhe sot me nënshkrimin e vendimit nga ana e kryeministrit të Kosovës, Albin Kurti, ky fond do të jetë i hapur.
Vlerën e shenjtë të Lirisë dhe Pavarësisë së Atdheut tonë që e paguam shumë shtrenjtë, jemi të vendosur ta ruajmë me çdo çmim.
Siguria jonë kurrë nuk ka nënkuptuar pasiguri për të tjerët. Përkundrazi, dje, sot dhe nesër, ishim, jemi e do të jemi siguri e mbrojtje për të gjithë, pa dallim.
Të kontribuojmë së bashku, për të mirën e institucioneve tona të mbrojtjes dhe sigurisë.
Për garantuesit e Lirisë, Pavarësisë, Sovranitetit dhe Integritetit territorial të vendit.
Për garantuesit e jetërave dhe pronave tona, garantuesit e sigurisë dhe rendit tonë publik.
Nesër do të bëjmë publike të gjitha informacionet, lidhur me llogarinë dhe detajet tjera, se si mund të jepni donacionet tuaja.
Urime të gjithëve! /InLajmi/
