Kreu i Aleancës për Ardhmerinë e Kosovës, Ramush Haradinaj, vlerëson se agresioni rus në Ukrainë është i ndërlidhur më shtetin serb dhe nga kjo kërcënohet direkt shteti i Kosovës, përcjell InLajmi.
Ndërsa sipas tij situata që është krijuar në shtetin rus dhe atë ukrainas duhet të merrët parasysh, dhe në bayë të kësaj të veprohet të mirret vendim nga intitucionet e vendit në të mirë të vendit.
Kurse Haradinaj ka shtuar se është i gatshëm ta mbështes vendimin që ka nxjerr Qeveria e Kosovës, në lidhje me krijimin e një Fondi të Sigurisë dhe që thotë se pret që të mos mbetet vetëm vendim po të kthehet në ligj.
Postimi i plotë i tij:
FONDI për Ushtrinë
Agresioni rus në Ukrainë dhe pozicionimi i qartë i Serbisë krahas Putinit dhe Rusisë, është kërcënim serioz për sigurinë në Ballkan, veçanërisht në vendin tonë.
Kjo situatë kërkon veprim të shpejtë, vendime efikase, të nevojshme e të përgjegjshme të të gjitha institucioneve të vendit.
Në këtë frymë, mbështes vendimin e Qeverisë për krijimin e Fondit të Sigurisë, kërkesë kjo e vazhdueshme e Aleancës dhe e imja. Besoj që ky vendim i qeverisë duhet të shndërrohet edhe në Ligj i cili do të votohej në Kuvend.
Për çështje të sigurisë, Aleanca gjithnjë është e rreshtuar aty ku është interesi nacional. /InLajmi/
