Presidentja e vendit, Vjosa Osmani, ka kujtuar 24 vjetorin e masakrës së Likoshanit dhe Qirezit, përcjell InLajmi.
Osmani ka thënë se kujtimi për dëshmorët dhe martirët e kësaj masakre do të jetë i përhershëm
‘’Në kujtim të përhershëm të dëshmorëve e martirëve që ranë 24 vjet më parë në Likoshan e Qirez’’, ka shkruar Osmani.
Kujtojmë se sot bëhen 24 vjet nga fillimi i luftës në Kosovë, e cila nisi në fshatrat e Drenicës, Likoshan dhe Qirez, ku te vendi i quajtur “Te tre lisat” u zhvilluan luftimet mes Ushtrisë Çlirimtare të Kosovës dhe forcave kriminale serbe.
Në luftimet e zhvilluara mbetën të vrarë disa policë serbë. Si pasojë e kësaj, forcat e armikut rrethuan të 2 fshatrat ku ekzekutuan 24 civilë të pafajshëm.
Në rrethimin e fshatrave, armiku përdori artileri të rëndë, duke përfshirë helikopterë dhe shumë mjete tjera të blinduara, përfshirë edhe tanke./InLajmi/
