Shefja e Grupit Parlamentarë të Lëvizjes Vetëvendosje, Mimoza Kusari-Lila, në një konferencë të mbajtur për media ka njoftuar se seanca e radhës e Kuvendit të Kosovës pritet të mbahet të entjen në ora 10:00 ku do të diskutohen një sërë ligjesh, raporton InLajmi.
Kusari-Lila gjithashtu bëri të ditur se propozimi për rezolutën e ngjarjeve të fundit në Ukrainë pritet të miratohet gjatë kësaj seance, e cila theksoi gjithashtu se më 5 mars do të mbahet një seancë solemne për nderë të 24-vjetorit të Epopesë së Ushtrisë Çlirimtare të Kosovës.
“Pikat e rendit ditën që do të jenë në seancë janë: Vendimi i qeverisë për vazhdimin e masave, formimin e komisionit ad-hoc. Me 5 mars për nder të epopesë së UÇK-së, Kuvendi i Kosovës do të mblidhet në seancë solemne në ora 12:00. AAK-ja dha një propozim që e kemi bërë që Kuvendi të miratojë një rezolutë në frymë të ngjarjeve që kanë përfshirë botën dhe ngjarjet në Ukrainë”, ka thënë Kusari-Lila./InLajmi/
