Negociatat mes Rusisë dhe Ukrainës kanë përfunduar.
Më parë, Këshilltari i kreut të zyrës së Presidentit, Oleksiy Arestovych, deklaroi se delegacioni ukrainas po këmbëngul në tërheqjen e të gjitha trupave ruse.
Në tryezën ku po bëhen negociatat mes delegacionëve të Ukrainës dhe Rusisë, Arestovych ka deklaruar se Ukraina ka kërkuar tërheqjen e të gjithë trupave, duke përfshirë Donbass-in dhe Krimenë.
Bisedimet midis Ukrainës dhe Rusisë kanë nisur rreth mesditës së të hënës, në kufirin me Bjellorusinë, ka thënë për agjencinë e lajmeve Reuters, këshilltari presidencial ukrainas, Mykhailo Podolyak.
Më herët, zyra e presidentit ukrainas tha se qëllimi i Kievit për diskutimet ishte një armëpushim i menjëhershëm dhe tërheqja e të gjitha forcave ruse nga Ukraina.
I pari ishte delegacioni ukrainas, i cili ka mbërritur në vendin e takimit, për të marrë pjesë në bisedimet me përfaqësuesit e Federatës Ruse.
Sipas një deklarate, delegacioni përfshin, ndër të tjerë, ministrin e Mbrojtjes, Oleksiy Reznikov, këshilltarin e shefit të zyrës së Presidentit të Ukrainës, Mykhailo Podoliak, dhe zëvendësministrin e Punëve të Jashtme të Ukrainës, Mykola Tochytskyi, transmeton Infokus.
Presidenti i Ukrainës, Volodymyr Zelensky, nuk është pjesë e delegacionit.
