Kryeministri britanik, Boris Johnson u kërkoi liderëve botërorë që të vazhdojnë t’i ofrojnë Ukrainës armë mbrojtëse dhe të vazhdojnë presionin mbi regjimin e Putinit, transmeton InLajmi.
Johnson gjithashtu “theksoi nevojën për një përgjigje ndërkombëtare ndaj krizës humanitare në zhvillim, duke përfshirë mbështetjen e fqinjëve të Ukrainës”, thuhet në deklaratë.
Kryeministri theksoi se duhet vazhduar goditja me sanksione ndaj Rusisë, duke përfshirë sanksionet që lidhen me financat, shkruan CNN.
Udhëheqësit ranë dakord të “ndjekin çdo rrugë për të siguruar që Putini të dështojë në ambiciet e tij”, thuhet në deklaratë. /InLajmi/
