Ministrja e Punëve të Jashtme dhe e Diasporës, Donika Gërvalla është takuar me ministrin e Jashtëm i Hungarisë, Peter Szijjarto, me të cilin kanë mbajtur një konferencë për media, raporton InLajmi.
Gërvalla tha se temë diskutimi me ministrin hungarez ishte sitauata në Ukrainë e cila tha se Kosova është ajo që me sanksionet e veta i është bashkëngjitur BE-së pa hezitim.
“Folëm edhe për situatën e Ukrainës. Kosova pa asnjë hezitim është bashkangjitur sanksioneve të BE-së. Në koordinim me NATO dhe BE jemi duke zbatuar këto sanksione. Serbia është fqinjë verior i Kosovës, dhe kemi kërkuar ndryshim të qasjes agresive që Serbia ka ndaj Kosovës. Shpresojmë që aleatët tanë të marrin më seriozisht kërcënimet që vijnë nga Serbia”.
Ministrja Gërvalla tha se Kosova sërish po kërcënohet nga Serbia anipse kujtimet e luftës i ka të freskëta.
“Kujtimet nga lufta Kosova i ka të freskëta dhe sërish po kërcënohet nga Serbia. Ashtu si Vladimir Putin në Ukrainë, Vuçiqi propagandon të drejtën e Serbisë për rajonin. Kërcënimet me luftë nga Vuçiqi duhet të marrin përgjigje të shpejtë. Serbia po kërcënon rajonin. Kosova ka miq të fortë dhe është e sigurt”, tha Gërvalla.
Ajoka bërë të ditur se këtë të hënë do të udhëtojë në Turqi, për t’iu bashkuar presidentes Osmani në takimin që po e mban atje.
Ndërkaq ministri i Jashtëm i Hungarisë, Peter Szijjarto, tha se nuk do të përfshihen fare në luftën mes Rusisë dhe Ukrainës.
“Hungaria dëshiron paqe në rajon. Ne jemi krenar që ka pika në rrugë si kjo këtu dhe janë duke garantuar se do të ketë paqe. KFOR-i është përgjegjës për të mirëmbajtur paqe. Hungaria ka kontributin më të madh diku 900 trupa për të garantuar paqe dhe detyra e qeverisë hungareze është të sigurojë popullatën hungareze dhe të garantojmë se Hungaria nuk do të përfshihet në luftë të fqinjëve tanë. BE do të ofrojë armë te Ukraina. Hungaria nuk do të dërgojë trupa në Ukrainë sepse nuk do të përfshihemi në luftë fare. Aseti më i madh që kemi është paqja”, tha kryediplomati hungarez./InLajmi/
