Shefi i Grupit Parlamentarë nga radhët e AAK-së, në një konferencë të mbajtur për media ka bërë të ditur se AAK do të kërkojë debat parlamentar për sigurinë e vendit, raporton InLajmi.
Tahiri tha se ndër pikat kryesore që pritet të diskutohen janë strategjia e re e sigurisë në vend e cila lidhet me anëtarësimin e Kosovës në NATO, si dhe fondi për financimin e ushtrisë tonë.
“Ndër temat që adresova në kryesi është kërkea për debat parlamentar për siguri. Ajo çka shihet të luftën në Ukrainë dhe rreshtimin e Kosovës përkrah botës dhe Ukrainës është moment që duhet të reflektohet. Si AAK kemi adresuar disa çështje, strategjinë e re të sigurisë së vendit, që lidhet me anëtarësimin në NATO, fondin për financimin e ushtrisë sonë. Jemi duke diskutuar se si duhet të jetë qasja dhe trajtimin e kësaj teme për seancën e ardhshme që është të enjten”,tha ai./InLajmi/
