Më 28 shkurt 1998 u zhvillua beteja në mes të Ushtrisë Çlirimtare të Kosovës dhe forcave serbe, përcjell InLajmi.
Të vrarë mbetën disa policë serbë, derisa si pasojë e kësaj, forcat serbe rrethuan të 2 fshatrat, Qirez e Likoshan ku edhe i ekzekutuan 24 civilë.
Fillimi i luftës në Kosovë shënon sot 24-vjetorin. Çdo gjë nisi në fshatrat Likoshan e Qirez të Drenicës, ku edhe u shënuan sulmet e para të ushtrisë serbe.
Deputetja e Kuvendit të Kosovës nga radhët e Partisë Demokratike të Kosovës, Eliza Hoxha ka kujtuar këtë të hënë të gjithë ata që ranë për lirinë e vendit të cilën sot ne e gëzojmë.
Më tej , Hoxha tha se Qirezi e Likoshani janë dhimbja jonë.
Postimi i plotë i saj:
Për ata që më nuk janë, për lirinë që ne e gëzojmë sot. Të mos harrojmë e t’i kujtojmë përherë! Qirezi e Likoshani janë dhimbja, kujtesa dhe krenaria jonë kolektive.
Lavdi!/InLajmi/
