Kryeministri i Britanisë së Madhe “dyshon” në sinqeritetin e Presidentit rus, Vladimir Putin në hyrjen e bisedimeve me Ukrainën, transmeton InLajmi.
Bisedimet midis përfaqësuesve ukrainas dhe rusë do të fillojnë në kufirin me Bjellorusinë të hënën në mëngjes me orën lokale, sipas zyrtarëve ukrainas.
Duke folur me gazetarët në Katedralen Katolike të Ukrainës në Londër të dielën, Johnson tha se Putini “ka vendosur të zhvillojë një luftë të zgjedhur kundër popullit të Ukrainës”.
Nëse ai dëshiron të ndalojë, nëse dëshiron të tërhiqet, nëse dëshiron të negociojë, ky është një lajm shumë i mirë. Unë kam dyshimet e mia, duhet t’ju them. Asgjë që kam parë deri më tani në sjelljen e tij nuk më bën të mendoj se ai mund të jetë i sinqertë, ” tha Johnson.
Kryeministri vazhdoi nëse homologu i tij rus është i sinqertë, ai “duhet të tërheqë makinën e tij të luftës nga Ukraina”.
Johnson tha se vendimi i Putinit për të vendosur forcat parandaluese të vendit të tij, përfshirë armët bërthamore, në gatishmëri të lartë është “një shpërqendrim nga realiteti i asaj që po ndodh në Ukrainë”, shkruan CNN.
Ndryshe dihet se edhe Ukraina dhe Rusia janë dakorduar për bisedime. /InLajmi/
