Presidenti i Ukrainës, Volodymyr Zelenskyy kishte një paralajmërim ogurzi për homologët e tij evropianë në një video-konferencë gjatë natës së mbrëmshme.
Sipas një gazetari të “Ëalla Neës” të Izraelit, ai u tha udhëheqësve të tjerë: “Kjo mund të jetë hera e fundit që më shihni të gjallë”.
Këshilltari presidencial ukrainas paralajmëroi më herët se Rusia dëshiron ta vrasë Zelenskyn nëse ia del ta marrë nën kontroll kryeqytetin ukrainas
Besohet se Rusia po planifikon ta instalojë një qeveri kukull në Ukrainë nëse ajo e pushton me sukses Kievin, shkruan Sky News.
Sot, është dita e 2-të e pushtimit rus të Ukrainës, lufta e parë e madhe tokësore në Evropë në dekada.
Presidenti rus, Vladimir Putin, tha se ka nisur, sipas tij, një operacion “special” për “çmilitarizimin dhe denacifikimin” e Ukrainës. Shtetet e Bashkuara, Bashkimi Evropian dhe NATO-ja e dënuan sulmin dhe u zotuan se do ta mbajnë Rusinë përgjegjëse, transmeton Periskopi
Britania e Madhe tha se është e gatshme që t’i ofrojë Ukrainës mbështetje shtesë ushtarake, përfshirë armë mbrojtëse vdekjeprurëse si dhe garanci për kredi, me qëllim që ta ndihmojë Kievin “në përballimin e agresionit rus.
