Pep Guardiola ka folur gjatë sonte për luftën në Ukrainë pas pushtimit rusë duke thënë se “shumë njerëz të pafajshëm do të paguajnë një çmim të tmerrshëm për vendimet e disa njerëzve”
Trajneri spanjoll foli para ndeshjes së Premier Ligë kundër Everton derisa fillimisht foli për gjendjen shpirtërore të lojtarit të tij, Oleksandr Zinchenko, i cili në një moment “i uroi vdekjen Vladimir Putinit pas këtij rasti”.
“Po, kam folur me të. Të gjithë kanë biseduar me të. Ai ka mbështetjen tonë të pakushtëzuar. Ai është një djalë shumë i fortë. Nuk është e lehtë, nuk është një situatë e thjeshtë, por ai është stërvitur normalisht. Ai është gati të luajë nesër nëse duhet. ”, tha Guardiola për Zinchenkon, i cili ishte i pranishëm mbrëmë në një protestë mbështetje në Manchester mbrëmë, shkruan Gazeta Express.
“Si do të ndiheshim ne nëse në vendin ku jemi lindur, ku jetojnë familjet tona, miqtë tanë, do të sulmohej, ku do të vdisnin njerëz të pafajshëm? Në krejt botën ka luftra të shumta. Është e dhimbshme pasi shumë njerëz të pafajshëm vdesin kur ndërkohë vetëm duan të jetojnë në paqe. Njerëzit duan të kenë shtëpi, të flenë mirë, me ushqimin në tavolinë, të shikojnë filma, të lexojnë libra, ta kenë dikë që e duan. Njerëz të pafajshëm po e paguajnë çmimin e tmerrshëm për vendimin e një apo 2 njerëzve. Ne nuk duhet të mësojmë nga ajo që ka ndodhur në të kaluarën”, shpjegoi tutje Guardiola kur foli për luftën.
