Nesër në Kosovë pritet të mbajë mot kryesisht me diell dhe relativisht i ngrohtë për këtë periudhë kohore. Mëngjesi pritet të jetë i ftohtë dhe me ngrica, me temperatura minimale nga -2 deri në -6°C. Gjatë ditës rritje e ndjeshme e temperaturave: nga 12 deri në 15°C.
Në Shqipëri dhe rajon nesër do të mbajë mot kryesisht stabil, i kthjellët dhe lokalisht me vranësira të pakta.
Të shtunën pritet të kemi shtim gradual të vranësirave dhe vende-vende edhe riga lokale shiu, ndërsa të dielen na pret mot i ftohtë me reshje shiu, shqote e bore, shkruan Meteo Ballkan.
Vende-vende priten reshje intensive shiu kryesisht në shumë vise të Shqipërisë, kurse në viset kodrinore-malore priten reshje të dendura bore veçanërisht në juglindje/lindje të Shqipërisë, veri të Malit të Zi dhe disa vise në Maqedoninë e Veriut.
