Ministri i Shëndetësisë së Ukrainës, Viktor Lyashko ka njoftuar se edhe spitalet po qëllohen nga pushtuesit rusë, transmeton InLajmi.
Sipas Lyashkos, kjo është një shkelje e drejtpërdrejtë e trupave ruse të Konventës së Gjenevës dhe veprimet e tilla të pushtuesve janë një kërcënim i drejtpërdrejtë për jetën dhe shëndetin e civilëve dhe bien ndesh me normat e së drejtës ndërkombëtare humanitare.
Gjithashtu ai përmes një postimi në facebook theksoi se spitalet dhe ekipet e tyre janë në gatishmëri për të dhënë ndihmë.
Në fund ministri ukrainas u shpreh krenar me guximin dhe përkushtimin e çdo punonjësi mjekësor.
Postimi i plotë i tij:
Pushtuesit rusë qëllojnë spitalet❗️
Kjo është një shkelje e drejtpërdrejtë e trupave ruse të Konventës së Gjenevës!
Dhe ky është një veprim i turpshëm dhe i ulët i të dobëtit!
Veprimet e tilla të pushtuesve janë një kërcënim i drejtpërdrejtë për jetën dhe shëndetin e civilëve dhe bien ndesh me normat e së drejtës ndërkombëtare humanitare.
Institucionet shëndetësore dhe punonjësit mjekësorë duhet të shpëtojnë jetë, jo të vdesin.
Spitalet dhe ekipet tona të kujdesit emergjent janë në gatishmëri të plotë, duke operuar në të gjitha rajonet dhe do të ofrojnë ndihmë në çdo rrethanë.
Jemi krenarë për guximin dhe përkushtimin e çdo punonjësi mjekësor.
Ne me siguri do të fitojmë! Mjekët me Ukrainën! /InLajmi/
