Grupe të shoqërisë civile me moton “Asnjë cent më shumë”, ashtu siç edhe ka paralajmëruar nesër do të mbajnë protestë kundër shtrenjtimit të energjisë elektrike, raporton InLajmi.
Ky grup këtë të enjte përmes një konference ka dhënë më shumë detaje lidhur me protestën e nesërme.
“Sot, ne ftojmë të gjithë qytetarët e Kosovës të na bashkohen në protestë kundër shtrenjtimit të rrymës, nesër, e premte, duke filluar nga ora 12:00. Protesta nisë te sheshi ‘Zahir Pajaziti’ dhe përfundon te ndërtesa e Qeverisë”,ka thënë aktivistja e shoqërisë civile Liridona Sijarina.
Tutje, grupet e shoqërisë civile thanë se kanë 2 kërkesa në protestën që do të mbahet nesër.
“E para është anulimi i vendimit të ZRrE-së për tërheqjen e blloktarifave, dhe e 2-ta nacionalizimi i KEDS-it për zgjidhje afatgjatë për problemin me energji që e kemi”,tha ajo./InLajmi/