Ministrja e Ministrisë së Drejtësisë, Albulena Haxhiu së fundmi ka njoftuar se është miratuar në Qeverinë e Kosovës propozim vendimi për rikthimin e ditëve të pushimit mjekësorë për punëtorët e dënuar, por që janë të angazhuar me punë në burgjet e Kosovës, raporton InLajmi.
E ditët e pushimit, sipas Haxhiut që kanë qenë 7 nga tash e tutje do të bëhen 14 ditë.
Po ashtu Haxhiu ka njoftuar se është miratuar Propozim vendimi që siguron mbrojtje të njëjtë për të burgosurit e Shqipërisë dhe Kosovës.
“Gjithashtu përfshihet në këtë propozim vendim edhe ndihma juridike dhe shpenzimet gjyqësore. Kjo marrëveshje është shumë me rëndësi për qytetarët. Presim që të ratifikohet në Kuvendin e Kosovës. Dje, Kuvendi i Kosovës po ashtu ka ratifikuar marrëveshjen me të njëjtin qëllim në mes Kosovës dhe Maqedonisë”,njoftoi Haxhiu. /InLajmi/
