Prokuroria Themelore në Pejë, ka bërë të ditur se gjatë aksionit për fajde janë arrestuar 17 persona si dhe janë ngrirë pasuri që tejkalojnë shumën prej 5 milionë euro.
Lajmin e konfirmoi prokurorja Sahide Gashi në një konferencë për medie, ku tha se të dyshuarit janë arrestuar përr veprën penale “Fajde” dhe “Detyrim”.
“Sot para jush jam t’ju njoftoj se nga hetimet disamujore, kjo prokurori ka arritur të arrestojë 17 persona dhe jane ngrirë pasuri që tejkalojnë 5 milionë euro”,tha Gashi.
Sipas prokurores, 16 prej tyre iu është caktuar masa e ndalimit prej 48 orësh.
“Sot më 22.2.2022 kemi caktuar masën e ndalimit policor prej 48 orësh dhe brenda afatit ligjor do të paraqes kërkesë për caktimin e paraburgimit ndaj 16 persona, pasi njëri është në paraburgim. Prokroria ka zbatuar edhe hetimet në pasuri ndaj të pandehurve, që ka bazë për të besuar se janë burim i veprës veprës penale”,tha prokurorja Gashi, përcjell Gazeta Blic
Shenim: Personat e përmendur në këtë artikull konsiderohen të pafajshëm, përveç, nëse nga gjykata vërtetohet se janë fajtorë me vendim të formës së prerë.
