Ministrja e Punëve të Jashtme e Shqipërisë, Olta Xhaçka ka reaguar pasi Rusia njohu pavarësinë e Luhanskut dhe Donetskut, territore të cilat janë brenda Ukrainës, përcjell InLajmi.
Xhaçka tha se e dënon njohjen e pavarësisë nga Rusia, të rajoneve lindore të Ukrainës.
Ministrja theksoi se është një shkelje e qartë e ligjit ndërkombëtar, e marrëveshjes së Minskut si dhe cënim i integritetit territorial dhe pavarësisë së Ukrainës.
Gjjithashtu Xhaçka tha se Shqipëria qëndron krah aleatëve dhe partnerëve ndërkombëtarë të Ukrainës.
Postimi i plotë i saj:
Shqipëria 🇦🇱 dënon njohjen e pavarësisë nga Rusia, të rajoneve lindore të Ukrainës 🇺🇦, Donetsk dhe Luhansk. Kjo është një shkelje e qartë e ligjit ndërkombëtar, e marrëveshjes së Minskut si dhe cënim i integritetit territorial dhe pavarësisë së Ukrainës.
Shqipëria qëndron krah aleatëve dhe partnerëve ndërkombëtarë, në mbështetje të Ukrainës! /InLajmi/
