Vendimi i ZRRE-së i miratuar së fundmi për shtrenjtimin e rrymës sipas shefit të Grupit Parlamentarë të PDK-së, Abelard Tahiri është shumë i dëmshëm, derisa shtoi se ky vendim duhet të anulohet, raporton InLajmi.
“ZRRE-ja duhet ta anulojë këtë vendim i cili është jashtëzakonisht i dëmshëm. Pra, kjo rritje e çmimeve sidomos energjisë po e rëndon jetën e qytetarëve jashtëzakonisht shumë. Në seancën e radhës të Kuvendit duhet krejt partitë, veçanërisht opozita të qëndrojnë në krah të qytetarëve, pra në këtë momente të vështira”,tha Tahiri.
Siç tha ai, çdo produkt i përditshme ka pësuar ngritje, derisa edhe shtrenjtimi i rrymës po e bën të papërballueshme koston e jetesës, duke i ditur pagat që që janë në Kosovë.
“Jeta në Kosovë po bëhet e papërballueshme. Qeveria duhet të ketë një angazhim shumë të madh në këtë drejtim. Duhet të gjenden forma që ky vendim të anulohet”,tha më tej Tahiri./InLajmi/
