Kryetari i Komunës së Deçanit, Bashkim Ramosaj, ka bërë të ditur se është takuar me ambsadorin e OSBE-së, Michael Davenport, me të cilin biseduan për probelmet që po përballet qyteti i Deçanit, përcjell InLajmi.
Ramosaj bëri të ditur se në takim u bisedua edhe për të gjtha projektet dhe punët e arritura në Komunën e Deçanit
Ndërkaq, Ramosaj dhe Davenport kanë rënë dakord për bashkëpunim për projektet e reja që do të realizohen në zhvillimin e Komunës së Deçanit.
Postimi i plotë i tij:
Pata nderin të pres në takim Ambasadorin e OSBE-së në Kosovë z.Michael Davenport.
Me Ambasadori Davenport biseduam për problemet dhe sfidat me të cilat ballafaqohet qyteti ynë si dhe për projektet dhe punët që i kemi arritë si Komunë.
Ambasadorin e sigurova që bashkëpunimi jonë me misionin që ai drejton nuk do të mungojë, njëjtë mora dhe unë konfirmimin nga Ambasadori që do të jetë mbështetës në projektet që pritet të realizojmë si Komunë./InLajmi/
