Regjisori kosovar Ardi Islami është shprehur kundër paraqitjes së fundit të aktorit Vedat Bajrami, i cili, në një skeç të publikuar, luan rolin e ish-kryeparlamentarit Jakup Krasniqi me qëndrimin e tij në Hagë.
”Kurrë në jetë, në asnjë formë, me bo humor me emblemë të UÇK-së, kurrë në jetë me njerëz që kanë kontribu për këtë vend, e kurrë në jetë mos me njollos plisin me humor të njeriut të luajtur mentalisht”.
”Nuk bëjmë ne art. Art është fjalë e madhe, ne mbijetojmë, art nuk e kemi përjetu, e kam fjalën për videoproduktet. Ka forma të tjera për një artist me e përkrahë, por jo në këtë mënyrë. Nuk jam për me u tallë në asnjë lloj mënyre me ta. Dhe nuk është hera e parë që Stupcat tallen me UÇK-në, ka skeçe edhe më herët, kjo është si trashëgimi prej tyre”.
Ai thotë se një video e tillë për të është e pakuptimtë dhe thekson se nuk përkrah ide të tilla.
”Unë nuk e përkrah atë lloj humori në atë moment në të cilin jemi. Nuk e përkrah me lujtë idiotin me plis në kry”, tha ai, shkruan Klan Kosova.
”Ne duhet të jemi më nacionalist, me fillu me rikthy krenarinë tonë, me iu dale përballë produkteve të tyre, por jo me u përshtatë me ta”, shprehet ai mes tjerash.
